पिंपरी (प्रतिनिधी) | २६ जुलै २०२५
भारतीय जनता पार्टी ओबीसी व व्ही.जे.एन.टी. आघाडीच्या वतीने आदरणीय लोकनेत्या पंकजाताई गोपीनाथ मुंडे यांच्या वाढदिवसानिमित्त एक सामाजिक उपक्रम पिंपरी चिंचवड शहरात मोठ्या उत्साहात पार पडला. राजमाता जिजाऊ हॉस्पिटल, पिंपरी येथे फळे व अन्नधान्य वाटप करून रुग्ण व त्यांच्या नातेवाईकांना आधार देण्याचा प्रयत्न करण्यात आला.
हा कार्यक्रम भाजपा ओबीसी व्ही.जे.एन.टी. आघाडीचे पिंपरी-चिंचवड शहर जिल्हाध्यक्ष मा. गणेश आर. ढाकणे व मा. कैलास आनंदा सानप (भाजपा महाराष्ट्र प्रदेश उपाध्यक्ष – भटके विमुक्त आघाडी) यांच्या पुढाकाराने आयोजित करण्यात आला.
कार्यक्रमात भाजपचे वरिष्ठ नेते व स्थानिक लोकप्रतिनिधी मोठ्या संख्येने सहभागी झाले होते. यामध्ये भाजपा पिंपरी-चिंचवड शहर जिल्हाध्यक्ष मा. शत्रुघ्न बापू काटे, आमदार सौ. उमाताई खापरे, भाजपा प्रदेश सदस्य मा. सदाशिव खाडे, नगरसेवक मा. संदीप वाघेरे, मा. मोरेश्वर शेंडगे, मंडल अध्यक्षा सौ. अनिता वाळुंजकर, मंडल अध्यक्ष मा. हर्षद नढे यांचा सक्रिय सहभाग होता.
या वेळी नरेश पंजाबी, मनीष पंजाबी, सोमनाथ तापकीर, जयेश चौधरी, गणेश वाळुंजकर, दीपक नागरगोजे, डॉ. नारायण जायभाय, रेखा काटे, मीनाक्षी गायकवाड, अमोल नागरगोजे, रवी बांगर, प्रकाश लोहार, ओम प्रकाश शर्मा, मनोज तोरडमल, खंडू कटारे, दत्ताभाऊ ढगे, हनुमंत घुगे, चंदन केदार, शुभम पालवे, सोनू पालवे, मारुती पालवे, उद्धव खेडकर, भागवत खेडकर, अमित कुदळे, गुलाबराव मारणे व इतर अनेक पदाधिकारी व कार्यकर्ते उपस्थित होते.
या उपक्रमातून लोकनेत्या पंकजाताई मुंडे यांच्या कार्यप्रेरणेला अनुसरून समाजसेवेची परंपरा जपली गेली असून, भाजप कार्यकर्त्यांच्या संघटनशक्तीचे दर्शन घडवले. पिंपरी-चिंचवडमधील या उपक्रमामुळे पक्षाच्या सामाजिक बांधिलकीला नवी ऊर्जा मिळाल्याचे चित्र दिसून आले.