मुंबई | विशेष प्रतिनिधी
बॉलिवूड अभिनेत्री दिशा पाटनीची बहीण खुशबू पाटनी सध्या एका वादात अडकली आहे. सोशल मीडियावर ती प्रेमानंद महाराजांविरोधात बोलल्याचा दावा केल्याने गोंधळ उडाला आहे. मात्र, खुशबूने इन्स्टाग्रामवर एक पोस्ट करत हे सर्व आरोप फेटाळून लावले आहेत आणि स्पष्ट शब्दांत आपली बाजू मांडली आहे.
“मी अनिरुद्धाचार्य यांच्या विधानावर बोलले होते”
खुशबू पाटनी म्हणते,
“माझं विधान केवळ अनिरुद्धाचार्य यांच्या महिलांविषयी केलेल्या वादग्रस्त वक्तव्यावर होतं.
प्रेमानंद महाराजांविरोधात मी काहीही बोलले नाही.“
तिने हे देखील सांगितले की सोशल मीडियावर चुकीच्या पद्धतीने तिचे विधान एडिट करून पसरवले जात आहे, ज्यामुळे तिची आणि तिच्या कुटुंबाची बदनामी होत आहे.
वादग्रस्त विधानामुळे निर्माण झाला वाद
अनिरुद्धाचार्य यांनी प्रवचनात म्हटलं होतं की,
“२५ वर्षांवरील महिलांचा लिव्ह-इनमधील वावर इतर संबंध दाखवतो.”
या विधानावरून अनेकांनी त्यांच्यावर टीका केली होती. खुशबूने याच विधानाचा निषेध करत पोस्ट केली होती.
“मी गप्प बसणार नाही” – खुशबूचा इशारा
खुशबू पाटनी म्हणते,
“मी संतांचा आदर करते. मात्र, स्त्रियांविरोधी विचार सहन करणार नाही.
खोट्या बातम्यांवर मी कायदेशीर कारवाई करणार.”
तिने इंस्टाग्रामवर कमेंट सेक्शन बंद केलं असून खोट्या अफवांपासून वाचण्यासाठी सतर्क राहा, असा अप्रत्यक्ष संदेश तिने दिला आहे.
या प्रकरणामुळे पुन्हा एकदा सोशल मीडियावर पसरवल्या जाणाऱ्या एडिटेड क्लिप्स, फेक न्यूज, आणि स्त्रियांच्या प्रतिष्ठेबाबत जबाबदारी या मुद्द्यांवर चर्चा झडत आहे.
